Google
» Afrikaanse Gemeente Dubai :: Fokus: Verstaan & Verbind
:: Ons Fokus ::
  Jes.43:18-22, Jes.35
  Verheerlik
  Vermenigvuldig
  Verstaan & Verbind
  Versorg
  Versoen
  Volhard
ONS FOKUS: VERSTAAN & VERBIND
Die Groot Gebed
Die Groot Gebod
Die Groot Opdrag
 Mat. 6:9-13
 Mat. 22:37-40
 Mat. 28:19-20
Onse Vader wat in die hemele is, laat u Naam geheilig word; laat u koninkryk kom; laat u wil geskied, soos in die hemel net so ook op die aarde; gee ons vandag ons daaglikse brood; en vergeef ons ons skulde, soos ons ook ons skuldenaars vergewe; en lei ons nie in versoeking nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.
Jy moet die Here jou God liefhê met jou hele hart en met jou hele siel en met jou hele verstand. Dit is die eerste en groot gebod. En die tweede wat hiermee gelykstaan: Jy moet jou naaste liefhê soos jouself. Aan hierdie twee gebooie hang die hele wet en die profete.
Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het. En kyk, Ek is met julle al die dae tot aan die voleinding van die wêreld. Amen.


“Ons Vader wat in die hemel is …” Elke doelwit van ons gemeente koppel ons aan ‘n bede van die Ons Vader. Wanneer die Vader die 6 bedes verhoor, lei dit tot gehoorsaamheid en uitvoering van die groot gebod en die groot opdrag. God wat gebied en opdragte gee is ook die Vader wat ons bekwaam en gewillig maak.


Verstaan en verbind

Om God se naam te heilig vra intieme kennis van die Vader - kennis van God soos hy Hom openbaar en verstaanbaar maak deur sy Gees en Woord. Hierdie kennis is onontbeerlik vir geestelike groei. Dit vra egter om daaraan gehoor te gee.God vra ‘n lewe van verbintenis en gehoorsaamheid. Jesus het deurgaans gewoonte-godsdiens, huigelary en skyngodsdiens veroordeel (Luk 11). Hy verwag van my om die koste van lidmaatskap te bereken, my eie planne af lê, doelbewus met sonde te breek en in volle oorgawe vir Hom te leef ooreenkomstig sy Woord. Dissipelskap kos ‘n prys:"As iemand agter My aan wil kom, moet hy homself verloën, sy kruis opneem en My volg. (Mark 8:34). God se Woord kry deur verstaan en verbintenis meer en meer in ons gestalte. Daarom bid ons : laat u wil ook op die aarde geskied net soos in die hemel”
 
  
© 2006 Dubai Afrikaanse Gemeente. Alle regte voorbehou